Të paktën 12 persona u vranë dhe dhjetëra të tjerë u plagosën në një sulm të dielën në një festë para Krishtlindjeve në Meksikën qendrore, thanë autoritetet në shtetin Guanajuato.
Dhuna ndodhi në qytetin Salvatierra, në një haciendë ose fermë, që mund të jepet me qira për festa.
“Deri më tani 12 persona janë raportuar të vdekur”, tha zyra e prokurorit të shtetit në X, ish-Twitter.
Dymbëdhjetë të tjerë që u plagosën janë dërguar në spital, sipas autoriteteve.
Fondacioni Tierra Negra, i cili promovon projekte sociale në zonë, tha se viktimat ishin të rinj që merrnin pjesë në “posadas”, tubime fetare që festojnë aspekte të historisë së Krishtlindjes./UBTNews/