Alarmet për sulm ajror u dëgjuan të martën në të gjitha rajonet e Ukrainës, përfshirë kryeqytetin Kiev, për shkak të sulmeve të afërta ruse, thanë zyrtarët lokalë.
Autoritetet lokale iu drejtuan Telegramit për t’i nxitur banorët të zhvendoseshin në strehimoret e bombave, ndërsa Andriy Yermak, kreu i zyrës presidenciale të Ukrainës, u kërkoi ukrainasve që të mos “injoronin alarmin” përmes një mesazhi në Telegram.
Asnjë paralajmërim nuk u raportua në rajonin e Krimesë, të cilin Rusia e aneksoi ilegalisht në vitin 2014.
Alarmet për sulm ajror tingëllojnë pothuajse çdo ditë në Ukrainë për shkak të sulmeve të mundshme me raketa dhe dron, të cilat kanë shënjestruar infrastrukturën civile dhe energjetike të vendit.
Më herët, operatori i vetëm i rrjetit të energjisë në Ukrainë njoftoi se një mungesë energjie prej 30% është regjistruar në sistemin energjetik të vendit për shkak të përkeqësimit të kushteve të motit dhe mbylljeve emergjente të shkaktuara nga sulmet ruse javën e kaluar./AA