Ministria e Shëndetësisë ka furnizuar sot Shërbimin Spitalor Klinik dhe Universitar të Kosovës me ilaçin Remdesivir, i cili përdoret për trajtimin e pacientëve të sëmurë nga koronavirusi.
Kjo është hera e parë që ShSKUK furnizohet me Remdesivir që nga fillimi i pandemisë COVID-19, në Kosovë.
Nga sot pacientët nuk do të kenë nevojë të blejnë më këtë ilaç. Ministria e Shëndetësisë ka liferuar 7 mijë e 920 njësi Remdesivir që do të shpërndahen nga sot në të gjitha spitalet e përgjithshme dhe në klinikat e QKUK-së.