Shërbimi Spitalor Klinik dhe Universitar i Kosovës ka njoftuar se është rritur numri i pacientëve të spitalizuar me COVID-19, në kuadër të klinikave të QKUK-së dhe të spitaleve të përgjithshme.
Bazuar në raportin e datës 21 korrik 2022, rritje të numrit të pacientëve ka në Klinikën Infektive, Klinikën e Gjinekologjisë, Klinikën e Pediatrisë dhe në atë të Neonatologjisë. Në tërë ShSKUK-në, të spitalizuar me COVID-19 janë 91 pacientë.
Raporti sipas klinikave dhe spitaleve të përgjithshme:
Klinika Infektive, 25 pacientë
Klinika e Pediatrisë, nëntë pacientë
Klinika e Gjinekologjisë, 12 pacientë
Klinika e Neonatologjisë, tri foshnje
Spitali i Gjakovës, 11 pacientë
Spitali i Pejës, 17 pacientë
Spitali i Gjilanit, pesë pacientë
Spitali i Mitrovicës, tetë pacientë