Në Qendrën Kryesore të Mjekësisë Familjare “Dr.Shëtim Robaj”, në Malishevë nga sot ka filluar edhe shërbimi i mamografisë.
Në fillimin e këtij shërbimi ishte i pranishëm edhe drejtori i Drejtorisë së Shëndetësisë në Komunën e Malishevës, Liridon Hoti.
“Me mamografi kemi siguruar një shërbim shumë të nevojshëm për diagnostikimin e hershëm të kancerit të gjirit tek nënat, motrat dhe gratë tona”, ka thënë drejtori Hoti, me rastin e fillimit të shërbimi të ri në QKMF në Malishevë.
Drejtori Hoti, ka bërë të ditur se “aparatin e mamografisë e kanë siguruar më herët, dhe më pas, stafi që do të punoj në këtë shërbim i ka përfunduar të gjitha trajnimet e nevojshme dhe “sot, pikërisht në fillimin e muajit tetor, që është muaj i ndërgjegjësimit për kancerin e gjirit, kemi filluar edhe me këtë shërbim të ri në QKMF.
Përndryshe, muaji tetor njihet edhe muaji i ndërgjegjësimit për kancerin e gjirit.