Policia e Kosovës ka arrestuar gjashtë persona nën dyshimin për kontrabandë me mallra dhe vënie në qarkullim të artikujve të dëmshëm ushqimor.
Sipas njoftimit të Policisë, pesë nga të dyshuarit janë dërguar në mbajtje.
“Janë arrestuar gjashtë të dyshuar meshkuj kosovarë për shkak se gjatë kontrollit tek të njëjtit, është gjetur sasi e konsiderueshme e produkteve ushqimore me përmbajtje të dyshimtë. Artikujt ushqimor janë sekuestruar nga zyrtarët e Agjencisë së Ushqimit. Në konsultim me prokurorin pesë nga të dyshuarit pas intervistimit janë dërguar në mbajtje”, ka njoftuar Policia në raportin 24 orësh.