Qendra Klinike Universitare e Kosovës ka njoftuar se sot rreth orës 8:30, një pjesëtar i Policisë së Kosovës i lënduar mbrëmë është pranuar në Qendrën Emergjente, pasi mori trajtimin e nevojshëm në Spitalin e Përgjithshëm të Mitrovicës.
Ekipi i Klinikës Emergjente bashkë me mjekët konsultantë nga klinikat përkatëse kanë kryer të gjitha ekzaminimet e nevojshme dhe sipas mjekëve, ai është jashtë rrezikut për jetë.
Pacienti është pranuar për trajtim të mëtejmë në kuadër të Klinikës së Kirurgjisë Torakale.