Ka nisur seanca e Kuvendit të Kosovës, në të cilën deputetët do të trajtojnë 19 pika të rendit të ditës, të mbetura nga seanca e kaluar.
Deputetët do të shqyrtojnë disa raporte vjetore të agjencive të pavarura, si dhe do të bëjnë emërimin e anëtarëve të Bordit të Organit Shqyrtues të Prokurimit, emërimin e anëtarëve të Këshillit Kombëtar të Shkencës, përzgjedhjen e kandidatëve për anëtarë jo-ekzekutiv të Bordit të Bankës Qendrore të Republikës së Kosovës, si dhe zgjedhjen e anëtarëve të Bordit të Komisionit të Pavarur për Miniera dhe Minerale.
Në seancën e sotme, do të shqyrtohet edhe propozim-vendimi i Qeverisë për miratimin e rekomandimit të Komisionit Ndërministror për Investime Strategjike për dhënien e statusit Investitor Strategjik për subjektin investues “KOSMONTE FOODS” Sh.P.K.