Lideri i Vetëvendosjes, Albin Kurti përfundimisht ka mbetur jashtë listës së kandidatëve për deputetë në zgjedhjet e 14 shkurtit. Kështu bëri të ditur Gjykata Supreme.
Ndaj kësaj ka reaguar anëtarja e Këshillit të Vetëvendosjes, Arbërie Nagavci. Ajo thotë se “Qeveria Kurti 2” është realitet i ri, i pashmangshëm e i shumë pritur.
“’Qeveria Kurti 2’ është realiteti i ri, i pashmangshëm e i shumë pritur. E nderuar që në rrugëtimin politik jam e rreshtuar drejt e në anën e duhur. Me 14 shkurt qytetarët do të tregojnë fuqishëm përkrahjen për Albin Kurtin, e kjo do të jetë jo vetëm përgjigjja më e mirë për institucionet e kapura, por dhe fillimi i punës për shtetin e së drejtës. #KrejtdheDrejt me 14 shkurt”, ka shkruar Nagavci.