Kandidati i Lëvizjes Vetëvendosje për kryeministër, Albin Kurti dhe kandidatja për presidente, Vjosa Osmani, do të presin në takim kryetarin e Lidhjes Demokratike të Kosovës, Lumir Abdixhikun për t’u konsultuar për formimin e institucioneve.
Takimi pritet të zhvillohet në ora 14:30 në ndërtesën e Kuvendit. Ende nuk dihet qëndrimi zyrtar i Abdixhikut nëse LDK do të votojë apo të qëndrojë në sallë për votimin e Vjosa Osmanit për presidente.
Teksa, PDK dhe AAK tashmë kanë zyrtarizuar qëndrimet e veta kundër votimit të Osmanit për presidente dhe bërjes së kuorumit.