Ambasadori i Shteteve të Bashkuara të Amerikës në Kosovë, Jeff Hovenier është solidarizuar me të gjithë ata që aktualisht po luftojnë me përmbytjet e rënda dhe po përballen me humbje tragjike në vendin tonë.
Ai ka falënderuar edhe të gjithë ata që po ndihmojnë duke punuar për të mbrojtur qytetarët, shtëpitë dhe bizneset.
“Zemrat tona janë për të gjithë ata në Kosovë që aktualisht po luftojnë me përmbytjet e rënda dhe po përballen me humbje tragjike. Faleminderit reaguesve të parë dhe ofruesve të shërbimeve të urgjencës që janë jashtë në të ftohtë, duke punuar për të mbrojtur qytetarët, shtëpitë dhe bizneset”, ka shkruar ambasadori Hovenier në Twitter.