Kandidati për president të Kosovës, Ramush Haradinaj ka qëndruar sot në qytetin e Vushtrrisë. Nga atje, Haradinaj tha se vetëm së bashku mund ta kalojmë këtë krizë dhe të vazhdojmë përpara.
“Me mbështetësit tonë të shumtë në Vushtrri u pajtuam se vetëm të bashkuar mund të tejkalojmë krizën e të vazhdojmë përpara”, ka thënë Haradinaj.
Ai më tej tha se Aleanca është adresa e mbrojtjes së vlerave kombëtare.
“Me të drejtë e theksoj se Aleanca është adresë e mbrojtjes së interesave kombëtare, balancimit të pushteteve, rrugëtimit drejt NATO-s apo referendumit për bashkim me Shqipërinë’, u shpreh ai para të pranishmëve.