Sekretari i Përgjithshëm i OKB-së, Antonio Guterres deklaroi sot se një hetim i pavarur për civilët e vrarë në Bucha të Ukrainës, është thelbësor për të siguruar përgjegjësi efektive.
“Jam thellësisht i tronditur nga pamjet e civilëve të vrarë në Bucha, Ukrainë”, tha Guterres në një deklaratë.
“Është thelbësore që një hetim i pavarur të çojë në llogaridhënie efektive”, shtoi ai.
Trupat e të paktën 20 burrave civilë u gjetën të shpërndarë nëpër një rrugë në qytetin Bucha, në veriperëndim të Kievit, pas tërheqjes së forcave ruse nga zona në imazhet shqetësuese të publikuara nga AFP të shtunën.