Është gjetur në Prishtinë një veturë e cila ishte në kërkim ndërkombëtar nga Interpol-i.
Policia njofton se vetura është gjetur të premten, pas kontaktit me autoritetet e një shteti tjetër.
Rasti është iniciuar si vjedhje e rëndë, gjetje e veturës.
“Prishtinë 10.02.2023 – 10:25. Pas kontaktit me autoritetet e një shteti tjetër është lokalizuar një veturë e cila ishte në kërkim ndërkombëtar nga Interpol. Vetura është gjetur e demoluar dhe pjesët e saj ishin duke u vendosur në një veturë tjetër të markës së njëjtë. Prokurori ka urdhëruar që të intervistohen personat e përfshirë në rast. Më datë 13.02.2023 vetura është kthyer në gjendje të rregullt e njëjta është sekuestruar derisa në përfundim të procedurave për rikthim të veturës pronarit në vendin e origjinës”, thuhet në raportin e policisë.