Thatësira në Evropë duket të jetë më e keqja në të paktën 500 vjet, sipas Komisionit Evropian.
Zëdhënësi i komisionit, Johannes Bahrke, duke iu referuar studimit të publikuar tha se ky është vetëm vlerësimi i parë dhe se duhet të konfirmohet me atë të të dhënave përfundimtare në fund të sezonit.
Pothuajse gjysma e Evropës kërcënohet nga thatësira, sipas një raporti nga Shërbimi i Shkencës dhe Njohurisë i Komisionit (JRC).
Raporti thekson se deri më 10 gusht, 47% e territorit evropian kishte arritur një nivel gatishmërie për thatësirën, ndërsa 17% e rajoneve të anketuara janë në gatishmëri të plotë.
Reshjet e pakta të shiut dhe një sërë valësh të nxehti nga maji e tutje ndikuan në rrjedhjet e lumenjve dhe nivelet e ujit gjerësisht në të gjithë Evropën.
Reduktimi i vëllimit të ujit ndikoi negativisht edhe në sektorin e energjisë si për prodhimin e hidrocentraleve ashtu edhe për sistemet e ftohjes së termocentraleve të tjerë.