Shefi i grupit parlamentar të PDK-së, Abelard Tahiri tha se pas një beteje të gjatë grupet parlamentare janë dakorduar që të procedojnë në Kuvendin e Kosovës themelimin e dy komisioneve hetimore, atë të kërkuar nga opozita, por ashtu edhe atë nga pozita.
Hedhja në votim e këtyre dy komisioneve do të bëhet në vazhdimin e seancës. Tahiri tha se nuk ka pasur asgjë kundër komisionit hetimor të propozuar nga LVV dhe nuk janë kundër asnjë hetimor. Sipas tij kjo është dashur të ndodhte më herët dhe nuk ka pasur nevojë për debat.
Edhe shefi i Grupit Parlamentar të LDK-së, Arben Gashi konfirmoi pajtueshmërinë për krijimin e dy komisioneve hetimore për energjinë. Derisa u shpreh se sjelljes së papërgjegjshme i ka ardhur fundi dhe se Kuvendit po i kthehet normalitetit.