Çmimi i benzinës do të jetë më i ulët për 1 cent gjatë 24 orëve të ardhshme, ndërsa nafta dhe gazimbeten sikurse dje.
Kështu ka vendosur Ministria e Industrisë, Ndërmarrësisë dhe Tregtisë e cila njoftoi për çmimet tavan të karburanteve.
Ministria njofton se deri të shtunën në ora 10:00, çmimi maksimal i lejuar i produktit dizel është: 1.74 euro për litër, ndërsa çmimi maksimal i lejuar i produktit benzinë është: 1.67 euro për litër ose 1 centë më lirë se një ditë më parë.
Ndërsa, çmimi maksimal i lejuar i produktit gaz mbetet 0.78 euro për litër.
Ky vendim, sipas MINT, është marrë bazuar në udhëzimin administrativ për rregullimin e çmimeve të produkteve të naftës dhe karburanteve dhe masat mbrojtëse, Ministria e Industrisë, Ndërmarrësisë dhe Tregtisë, respektivisht departamenti për rregullimin e tregut të naftës.