Këshilli Prokurorial i Kosovës (KPK) ka caktuar sot Besim Kelmendin ushtrues detyre të Kryeprokurorit të Shtetit, pasi që Aleksandër Lumezi ka përfunduar mandatin prej shtatë vjetësh. Caktimi i ushtruesit të detyrës së Kryeprokurorit të Shtetit ishte pika e vetme e rendit të ditës të KPK-së.
Anëtarja e KPK-së, Bedrie Alshiqi propozoi që për ushtrues detyre të Kryeprokurorit të Shtetit të vazhdojë kryeprokurori aktual, Aleksandër Lumezi, por ky i fundit e refuzoi duke i hapur mundësinë që të propozohet një prokuror tjetër.
Pas kësaj, anëtarja e KPK-së, Jehona Grantolli, propozoi për ushtrues detyre të Kryeprokurorit të Shtetit të caktohet prokurori nga Zyra e Kryeprokurorit të Shtetit, Besim Kelmendi, i cili me këtë rast mori dhjetë vota nga anëtarët e KPK-së.