Në Spitalin e Gjilanit, Mitrovicës dhe Vushtrrisë nuk po trajtohet asnjë pacient me COVID-19.
Shërbimi Spitalor Klinik Universitar i Kosovës (ShSKUK) ka bërë të ditur se në spitalet dhe klinikat tjera të ShSKUK-së në trajtim mjekësor janë 44 pacientë, nga ta 14 janë konfirmuar me COVID-19 dhe 30 të tjerë postCOVID.
“Në bazë të raportit të datës 9 nëntor 2021, në Spitalin e përgjithshëm të Mitrovicës nuk ka pacientë të shtrirë me Covid-19. Pacientë me Covid-19, nuk ka, as në Spitalin e Vushtrrisë dhe atë të Gjilanit. Në tërë Shërbimin Spitalor Klinik dhe Universitar të Kosovës, në trajtim mjekësor janë 44 pacientë, prej tyre 14 të konfirmuar me Covid-19 dhe 30 të tjerë post-covid. Me oksigjeno-terapi janë 13 pacientë, përderisa në mjekimin intnesiv të Klinikës Infektive ka vetëm 1 pacient me maskë të oksigjenit”, thuhet në njoftimin e ShSKUK.
Numri i pacientëve me COVID-19 dhe post-covid, sipas klinikave COVID-19 dhe spitaleve të përgjithshme:
Klinika Infektive, 3 pacientë
Klinika e Pulmologjisë, 27 pacientë post-covid-19
Mjekimi Intensiv në Klinikë Infektive, 1 pacient
Spitali i Prizrenit, 2 pacientë
Spital i Pejës, 3 pacientë
Spitali i Gjakovës, 6 pacientë
Spitali i Ferizajt, 2 pacientë