Policia e Kosovës ka arrestuar më 16 tetor një person që po merrej me gjueti të paligjshme në zonën rurale të Novakut në Prizren.
Kjo zonë nuk është vend për gjueti të licencuar nga Ministria e Bujqësisë dhe Zhvillimit Rural dhe gjuetia në këtë zonë konsiderohet e paligjshme.
Policia te personi, identiteti i të cilit nuk është bërë i ditur, ka gjetur një armë gjuetie me leje të skaduar, e cila është sekuestruar dhe ndaj të dyshuarit ka nisur procedura penale për veprën mbajtja në pronësi, kontroll ose posedim i paautorizuar i armëve dhe gjueti e kundërligjshme.
Me urdhër të prokurori rasti shkon me procedurë të rregullt.