Prokuroria Speciale e Kosovës ka ngritur aktakuzë në Gjykatën Themelore në Prishtinë – Departamenti Special, kundër tre të pandehurve D.G., V.K., dhe Rr.S. për veprën penale keqpërdorimi i pozitës apo autoritetit zyrtar dhe privimi i kundërligjshëm i lirisë.
Prokuroria njofton se aktakuza është ngritur për shkak se është vërtetuar dyshimi i bazuar mirë se të pandehurit D.G., V.K., kanë kryer veprën penale keqpërdorimi i pozitës apo autoritetit zyrtar.
Ndërkaq, i pandehuri Rr.S., ka kryer veprat penale keqpërdorimi i pozitës apo autoritetit zyrtar dhe privimi i kundërligjshëm i lirisë.
Prokuroria Speciale në aktakuzë ka propozuar që pas administrimit të të gjitha provave në shqyrtim gjyqësor, të pandehurit t’i shpall fajtorë për veprat penale që u vihen në barrë dhe t’i dënojë sipas ligjit.