Ministria e Punëve të Brendshme e Maqedonisë Veriore ka realizuar aksion policor në Gërçec të Sarajit në Shkup ku është arrestuar E.Z. (21) nga ky fshat.
Arrestimi vjen pasi për të njëjtin ishte shpallur fletarrest ndërkombëtar për rastin “Pylli”.
“Sot, rreth orës 16 në Saraj nga policët e Njësitit për polici intervenuese në kuadër të SPB Shkup është arrestuar E.Z.(21) nga fshati Gërçec, Shkup, i cili është kërkuar me fletarrest ndërkombëtar nga Prokuroria Publike Themelore për ndjekjen e krimit të organizuar dhe korrupsionit për shkak të hetimit për aksionin “Pylli” në bazë të nenit 2015″, thuhet në njoftimin e MPB-së.
Personi tashmë është dorëzuar në PPTH për ndjekjen e krimit të organizuar dhe korrupsionit./AlsatM