Shefi i kabinetit të kryeparlamentarit, Ilir Skender Kërçeli ka reaguar pas vendosjes së barrikadave nga serbët lokal në veri të vendit.
Ai në një postim në Facebook ka akuzuar presidentin e Serbisë, Aleksandar Vuçiq se qëndron prapa urdhrit për vendosjen e barrikadave.
“I njëjti Vuçiq si ai që kërcënonte se për një serb të vrarë do t’i vrasë 100 myslimanë si hakmarrje, i njëjti që pas 22 viteve i thotë botës jo për sanksione ndaj Rusisë, e po i njëjti që jep urdhra për sulme ndaj organeve të rendit të Republikës së Kosovës. Ky është Vuçiq e kështu ka mbetur Serbia me këta politikanë”, ka shkruar ai.