Reciprociteti në targa me Serbinë ka filluar të zbatohet edhe në pikën kufitare në Merdarë.
Policia e Kosovës nuk po lejon asnjë veturë me targa të Serbisë që të hyjë në vend, pasi që Serbia ka disa vite që i detyron qytetarët e Kosovës që të pajisin veturat e tyre me targa të përkohshme për të hyrë atje.
Ekipi i KosovaPress ka parë prej afër sesi shoferët e ardhur nga Serbia janë detyruar të zëvendësojnë targat me ato të përkohshme, porse nuk është lejuar që të marrë pamje.