Presidenti i Sllovenisë, Borut Pahor ka kërkuar të tejkalohen të gjitha mosmarrëveshjet në dialogun Kosovë-Serbi dhe të vazhdohet tutje për arritjen e marrëveshjes finale. Ai në një konferencë të përbashkët me presidenten Vjosa Osmani, tha se Sllovenia do të mbështesë dialogun dhe perspektivën e Kosovës në procesin euro-integrues.
Megjithatë, ai tha se dy palët duhet të respektojnë edhe marrëveshjet e arritura.
“Kushti i parë është t’i besohet dialogut dhe respektohen marrëveshjet”, tha ai.
Pahor po qëndron sot për vizitë në Kosovë.