Presidentja Vjosa Osmani deklaroi sot se njohja reciproke mes Kosovës dhe Serbisë është rruga e vetme që siguron paqe dhe afron të dyja vendet në Bashkimin Evropian.
Pas takimit me homologun e saj slloven Borut Pahor, Osmani përmendi edhe nevojën për liberalizimin e vizave për qytetarët kosovarë.
Ajo në konferencën e përbashkët për medie, theksoi se Kosova ka nevojë për mbështetjen e Sllovenisë në rrugën e saj euro-atlantike.
Përkrahje për liberalizimin e vizave ofroi presidenti slloven, i cili tha se BE-ja duhet t’iu qëndrojë prapa premtimeve. Nga ana tjetër, tha se dialogu Kosovë-Serbi nuk duhet të ketë ngecje.