Kryeministri i Kosovës, Albin Kurti të enjten dorëzoi aplikimin e Kosovës për anëtarësim në Çeki, vendit që kryeson Presidencën e Bashkimit Evropian, për çka në mbledhjen e sotme të qeverisë tha se me këtë veprim është dhënë cak orientimit evropian.
“Orientimit evropian i dhamë cak, përsëris orientimit evropian i dhamë përgjigje. Integrimi do të thotë njohje, pranim, ndërvarësi , njohja nga 5 vendet e BE-së do të mundëson përshpejtim të integrimit në BE”, tha ai.
Ai foli edhe për miratimin e buxhetit 2023.
“Mbrëmë Kuvendi miratoi buxhetin, për herë të dytë radhazi buxhetin po e miratojmë para fillimit të vitit. Ky buxhet do të thotë më shumë për të gjithë në ekonomi shëndetësi arsim, kulturë”, u shpreh Kurti.