Të paktën 13 persona janë plagosur të martën nga të shtënat në një stacion metroje në Nju Jork, ndërsa autoritetet gjetën eksplozivë të pashpërthyer.
Ende është i paqartë numri i personave të plagosur, përfshirë edhe të atyre që janë qëlluar me armë zjarri, raporton CNN.
Kryetari i New York, Eric Adams tha se është informuar për të shtënat në stacionin në Brooklyn.
Ndërsa Fabrien Levy, zëdhënësi i kreut të New York-ut u ka kërkuar banorëve që të qëndrojnë larg zonës në mënyrë që të jenë të sigurt ndërkohë që hetuesit merren me rastin.
“Ndërsa mbledhim më shumë informacion, u kërkojmë banorëve të New York-ut të qëndrojnë larg kësaj zone për sigurinë e tyre dhe në mënyrë që reaguesit e parë të mund të ndihmojnë ata në nevojë dhe të hetojnë”, ka shkruar ai në Twitter.