Policia e Kosovës ka arrestuar një person në Isniq të Deçanit për shkak të dhunës familjare dhe mbajtjes së paautorizuar të armëve.
Njësiti i hetimeve pranë Stacionit Policor në Deçan, në koordinim të plotë me Gjykatën kompetente dhe Prokurorin e shtetit, kanë shkuar në shtëpinë e të dyshuarit, ku gjatë bastisjes kanë gjetur dhe sekuestruar një armë automatike AK 47, një karikator të armës AK 47 dhe nëntë fishekë të kalibrit 7.62 mm.
Personi i dyshuar me vendim të Prokurorit të shtetit është ndaluar për 48 orë.